AQUAHACK ÇƏRÇİVƏSİNDƏ NÖVBƏTİ VEBİNAR GİT SİSTEMİ BARƏDƏ OLACAQ

Aquahack müsabiqəsi çərçivəsində növbəti vebinar cari ilin 2 iyul tarixində, Bakı vaxtı ilə saat 19:00-da baş tutacaq.Vebinar Amazon şirkətində Software Development Engineer vəzifəsində çalışan həmyerlimiz, "Hackathon Azerbaijan" TK-nın üzvü Adil Əliyev tərəfindən həyata keçiriləcək. Vebinarın mövzusu əsasən, git sistemi bu sahədə praktik nümunələr, komandaların aktivliyinin müşahidə olunması istiqmətində olacaq.
 

Məlumat üçün qeyd edək ki, AquaHack Ekologiya və Təbii Sərvətlər Nazirliyi və BMT-nin İnkişaf Proqramı (BMTİP) mövcud su problemlərinə texnoloji həllər tapmaq və suyun həyati əhəmiyyəti ilə bağlı maarifləndirmə işinə dəstək vermək məqsədilə “Hackathon Azerbaijan” komandası ilə birgə Azərbaycanda su mövzusunda keçirilən ilk virtual hackatondur.